أكتب حروفك يا أمي باي مداد
ده أنتي أحلى قصة هاحكيها للأحفاد
من بعدك تموت الابتسامة ياست الكل
دي كلمة “ابتسام “تبدأ ب “أب”وتنتهي ب “أم
أمي ..يعني العطاء بدون مقابل والأمان
إنتي النبع الصافي والقلب النابض بالحنان
بدعاكي وأنا معاكي وف غربتي وف غيابي وأنا بعيد
باعيش عليهم في صحوي ومنامي وأنا مبسوط وسعيد
ياما سهرتي الليلي صباحي علشاني
بتراقبيني بنظراتك ولا أنا على بالي
وأنا صغير .. حركاتي وشقاوتي تتحمليها تملي
تزعقيلي وتضربيني وتزعلي من اللي ما يحوشك عني
قلبك رهيف دايما وخايف عليا
حتى ف طلوع السلم ولو قربت ع النار والميه
لما اطلع اجري والعب مع أصحابي الصغار
عينيكي راصدة حركاتي أكتر من الرادار
لو سخنت شوية تلفي حول نفسك زي الدبور
تبقي مش عارفة تعملي ايه عشان السخونة تزول
لما تدعيلي تقوليلي :ربنا يباركلي فيك
وياخد من عمري ويديك
لو اتكعبلت أو ايدك سابت ايدي
تتخضي جامد وقلبك يقع ف رجليكي
أمي أجمل بداية وأحلى حكاية
ف رواية جميلة ملهاش نهاية
تضحك لي الدنيا لو شفت زوالها
زي السما لما تزهى بطلة هلالها
زي ما السما بتفتخر بوجود نجوم فيها
الارض بتفتخر بأمي بوجودها عليها
إنتي الطريق للأمل ياوردة تحضنها الزهور
أمي الحنونة يارب احفظها لي من كل الشرور
جربت اكتب فيكي شعر قام الشعر واعترف
وأتى قدام الجمع وقال : تعجز الحروف ف وصفك ..وانصرف .
