واحد مننا
بقلم.. عبدالعزيز عبدالرحمن
واحد مننا....
الحلقه السادسه...ام عبده : علي فين يابني بدري كدا…
عبد الحفيظ : رايح الكليه يا امي اشوف موضوع التعيين ” كمعيد”
وهستلم شغلي امتي… وكدا يعني..
ام عبده : طيب يابني دا انت ملحقتتش ترتاح من الدراسه… كنت تصبر شويه… يا حبيبي
عبد الحفيظ : مش هينفع يا امي
انتم دلوقتي مسؤلين مني…
ادعيلي انتي بس اني استلم الشغل بسرعه…
ام عبده : ربنا يوفقك يابني.. ويعينك علي الحمل اللي بقي فوق كتافك…
…. عبدالحفيظ… السلام عليكم..
…. الام… وعليكم السلام يابني ورحمة الله وبركاته…
…. منظر عبدالحفيظ… بيوقف تاكسي… وبيركب وتنطلق بيه السياره…. في طريقها للجامعه..
وهناك…بيقابل فتحي وبيسلم عليه… ويدخل الاثنين الي الكليه
ويتجهوا نحو… “مكتب عميد الكلية” …. ودار الحوار دا….
عبدالحفيظ : للعامل الموجود امام باب ” عميد الكلية” من فضلك عايز اقابل سيادة العميد
العامل : اقول له مين حضرتك
عبدالحفيظ : قوله عبدالحفيظ احمد ” الطالب الاول علي دفعته”
العامل : حاضر… من فضلك استني هنا…
….. بيخبط العامل علي الباب..
ثم بيدخل ويغلق الباب… لبرهه
من الوقت… ثم بيفتح الباب ويقول له… اتفضل…
عبدالحفيظ : السلام عليكم ورحمة الله وبركاته… ويمد يده لمصافحه( العميد)…
عميد الكليه : اه اهلا وسهلا… دون ان يمد يده للمصافحه..
عبدالحفيظ بيحرج… وينظر الي
( عميد الكليه)…
عميد الكليه : اتفضل… ممكن اخدمك ازاي..
عبد الحفيظ : انا يافندم الاول علي دفعتي… وجرت العادة ان الاول بيتم تعيينه ( كمعيد) في الكليه خصوصا انا طول فتره دراستي كنت ( امتياز)…
عميد الكليه : اه العاده قولتلي..
طيب بص يابني.. انت طالب مجتهد ونشيط… وكمان الاول علي دفعتك… بس في مشكله صغيره… وهي ان عندنا اكتفاء في هيئه التدريس… عموما انا هكون علي تواصل معاك لو في جديد شرفت…
عبدالحفيظ : ازاي يعني في اكتفاء حضرتك واحنا طول فتره الدراسه وكان عندنا عجز في هيئه التدريس خصوصا في القسم بتاعي… ( ميكانيكا) لدرجه انهم كانوا بينتدبوا اساتذه من جامعات تانيه علي يدرسوا لينا…
عميد الكليه : ايه انت هتعرفني شغلي… اما قليل الادب صحيح
اتفضل من غير مطرود…
….
وبيرن الجرس للعامل… ويقوله طلع الافندي دا برا…برا
عبدالحفيظ… في حاله ذهول مش مصدق ايه اللي بيحصل معاه… لكنه بيحاول يدافع عن حقه… وبيزعق في ( عميد الكليه) وهنا بيتدخل امن الكليه
وبيحاولوا اخراج عبد الحفيظ
للخارج…
وهنا… بياتي دكتور من نفس الكليه…. ومعاه ابنه… ويحمل في يده هديه…. ويدخل مكتب ( عميد الكليه) اللي بيرحب بيهم وبيقول ليهم أهلا وسهلا… الف مبروك ياحضره
( المعيد) علي التعيين… فعلا انت الراجل المناسب في المكان المناسب…
……
وبينظر عبدالحفيظ… ومعه صديقه فتحي… في ذهول لما يجري…. ولما ارادا الدخول مجددا…. طردهم الامن لخارج المبني….
……. وهنا تدمرت احلام عبدالحفيظ علي صخره الواقع
الاليم… واقع ان ابن الدكتور يبقي دكتور… انما الفقير ملوش مكان….
…… وفي نفس الوقت بيفتكر
( كوم اللحم اللي في رقبته)
ومن ناحيه تانيه… بيفتكر ان دا حلم ابوه وانه كان نفسه يشوفه انسان ناجح…
فتحي :بيقوله… طيب نرفع شكوي لرئيس الجامعه او حتي للنيابه… وان شاء الله
هتاخد حقك.
عبدالحفيظ:بيرد ويقوله
موت ياحمار…. دي حاجات عايزه وقت وفلوس…. ودي حاجات ما املكهاش… انت نسيت الامانه اللي في رقبتي…
فتحي:يعني ايه هتسيب حقك يضيع…
عبد الحفيظ : لا طبعا… بس لازم يكون معايا فلوس اصرف منها علي البيت… واقدر من خلالها اقدم شكوي…
فتحي : طيب هتعمل ايه دلوقتي
وهتجيب شغل منين..
عبد الحفيظ : انت مش قبل الجنازه كنت بتقول ان عندك شغل… فاكر
فتحي : ايوا صحيح.. انا نسيت
بس دا شغل ( متواضع قوي)…
عبد الحفيظ : مش مشكله الغايه تبرر الوسيله… يلا خدني علي مكان الشغل دا علشان اقدم علي الشغل وان شاء الله… اشتغل
صحيح هو عباره عن ايه…
فتحي… بينظر عبدالحفيظ… وكانه هيرد عليه….
ثم….. منظر امام مركز صيانه السيارات….
فتحي : انا اسف ياصاحبي.. بس اقسم بالله.. هو دا الشغل المتوفر قدامي…. دا انا كمان هقدم معاك
عبدالحفيظ : بس قول يارب نقبل…
فتحي : يعني انت مش زعلان..
عبد الحفيظ : ياغالي مش، لقمه حلال بس قول يارب نقبل…
….
ثم… بيدخل الاثنان الي داخل المركز….
وبعدها…. بفتره من الوقت يخرج الاثنان والابتسامه علي وجهيهما…
فتحي : مبروك يا صاحبي…
عبد الحفيظ : الله يبارك فيك.. مبروك انت كمان…
فتحي : راجل محترم البشمهندس ( ممدوح) خدت بالك كان مركز معاك ازاي يا عبده
وخصوصا… لما قلت له انك بتشتغل علي فكره… لو تمت هتكون( اختراع)… الا بالحق
هو ايه الاختراع دا يا عبده
وانت ازاي مجبتش ليا عنه اي سيره…
عبدالحفيظ : مكنش في وقت مناسب علشان اقولك…
بعدين دي فكره انا شغال عليها من ثالثه كليه… ويارب تتم علي خير…
فتحي : يعني هيكون مهم يعني
عبدالحفيظ : ان شاء الله…
…… واحد مننا…..
للكاتب / عبدالعزيز عبدالرحمن
