كفاية كلام
امل أمين الخولي تكتب.. كفاية كلام
أنا حقي راح أجيبه بدراعي
مش رغي فاضي والسلام
ولا ترابيزات لـ لمَّه فاضية
ويقولوا دعوة للسلام
يا سلام .. يا سلام!
انهو سلام؟
مع اللي شرَّدني ف أرضي؟
واستباح سيرة جدودي
وداس على تاريخي وعرضي
طاري حالف يوم راح اخده
ده كل همي وهو غرضي
نار الطاغوت قايده ف قلبي
منعت عيوني ف لحظة
تغفل أو تنام
كل حلم بيتولد
يوئدوه ف قلب الظلام
مش بالكلام
مش بالكلام
خدنا منكم إيه
يا عالم فاضي خايب
غير شوية من الأغاني للوطن
او معاهدات السلام
ذكرى تافهه مخجلة
واوراق مرميه ف زكايب
حضوركوا بايخ مصطنع
بتلقحوا فيه بالملام
هري فاضي ورغي خايب
خساره فيكم العتاب
ولا هحترم ليكم نظام
صبري نفد .. عقلي شرد
كل باب أدامي سد
أستنى إيه .. وهستنى ليه
ودمي لاطط كل يد؟!
أنا دمي لاطط كل يد
كفاية كلام
ماعدش لينا فيكوحد
دا ما عدش لينا فيكو حد
