رضوى الشربيني: كلام العبيد ده مش بتاعي.. وياسمين عز ترد: «يا خرابة البيوت»
كتبت يوستينا وجدي
انتشرت عبر موقع التواصل الاجتماعي تويتر تغريدة للإعلامية رضوي الشربيني بنص
«يبقي البيت بفلوس الراجل واقوله اقلع الجزمة علشان متدوسش علي السجاجيد دا أنا حط فساتيني الماركات على الأرض يدوس عليها »
وبعد انتشار هذه التغريدة التي نُسبت إليها خرجت ونفت هذا الأمر وسارعت في التوضيح، حيث أعادت نشر التغريدة على حسابها على تويتر وقالت: “أنا أقول الكلام دا ليه؟ أنا ست عندها كرامة، كلام العبيد دا مش بتاعي”.
فقامت الإعلامية ياسمين عز بالرد على رضوى قائلة: انا مش هدوس علي فساتيني بس دا انا ادوس علي أي حاجة علشان خاطر الفرعون الكبير الصغير واسمعي يا خرابه البيوت انتي لو جبتي سيرتي تاني انا مش هقولك أنا هدوس على ايه تاني
وثانيا روحي يا مدام اتعالجي بدل ما انتي عماله تخربي في بيوت الناس بلاش اسطوانة المرأة الجديدة دي علشان المرأة نفسها لو كانت عرفت انك انتي اللي هتجيبي حقها كانت جاتلها ساكتة دماغية
وثالثا كرامة ايه يا أم كرامة بلاستيك وأطرافها مطاط يا زيرو انوثه مدام بليز كرامتك وقعت منك في فيلم المظلوم اللي انتي عاملاه دا وبدل ما تطلعي تحكي مأساتك اتكلمي كلام مفيد
ومن هذا المنطلق أود أن أوجه نصيحة للفتيات وللشباب ارتقوا بعقولكم لأن الزواج رباط مقدس من صنع الله وليس من صنع البشر يعتمد على المودة والرحمة كي نتمكن من بناء منازل تخرج جيلاً قوياً للمجتمع
