أدب
بلاش نعيبها
أسامة بهنساوي يكتب.. بلاش نعيبها
بلاش نعيبها
ليه نعيبها ونتهمها
يالا تفهم في الأمور
دنيا فانيه معروف آخرها
وكاسه بكره عليك يدور
ياابن ادم قليل متاعها
وخلاصها قرب ف الزهور
مره تحلي يبان دلالها
ومره علقم ف الصدور
ايه يفيدك لو جامعها
لو كلامك كله زور
دا بغرورك يضيق وسعها
لو حياتك كات حبور
بتغازلنا وبنجاريها
مهما نسكن في القصور
كام حبايب عاشو فيها
طال سكوتهم في القبور
ياما حلمو براحة فيها
وناس ملايكة ويا حور
بنطاوعها وبنواليها
لما نابنا كام ساتور
ياما غويت خلق فيها
وناس غلتهم في القدور
وناس خادتهم لعبه ليها
وناس خفوها بين سطور
وياما حلفو مايشتروها
وناس هواهم نفاق وزور
مهما تبعد نشتهيها
لو عالمها كله جور
تشوف كتير.غدر ناسها
وسعات بتوفي بالحضور
