امسك ريشتك
امي ابراهيم القاضي.. تكتب
امسك ريشتك هات الوانك
و لون في الدنيا شوية
اوعاك تستسلم و تسيبها
ابيض و اسود زي ما هي
الأبيض ابدا مش بيدوم
والأسود يخنق لو زاد كام يوم
حِب الدنيا و لونها
عشها واتمتع بحلاوتها
بس إياك …تضحك هي عليك
ان دامت يوم ابدا مش هتدوم ليك
ضيف ….و مسافر و سايبها
ارسم للي بعدك سكة
خطواتك محسوبة عليك
سيب جوه كل قلب فرحة
ذكرى …عناقيد خير طارحة
خليك قنديل وسط السكة
تنور طريق و تعطر ذكرى
مين عارف ايه هيحصل بكرة
و ادينا مع بعض بنحلم
و بريشة و الوان نرسم
و نلون حلم كانت بدايته فكرة
و ان كنا شويه هنتعب
بكرة الفرحة تطرح ياسمين
ينسينا دموع ينسينا أنين
و تنور بالفرحة عيونا
ويارب قوينا و عنا
بالله دايما واثقين
مين غيره بيسندنا مين
