ابناء الوطن العربي تحاور” كريم عميرة”
شاب متحمس وموهوب عشقه للفن مع صغر سنه فاق الحدود يعد أحد الممثلين الشباب الصاعدين الذين يجهاهدون و يجتهدون لشق طريقهم في عالم الدراما والمسرح أجتهد في سن صغير لإيصال موهبته إلي الجمهور حيث البداية كانت في ” مسرح تياترو النيل ” الخاص بالفنانة بدرية طلبة أنها كانت البداية ومن ثم تطورت أعماله وبدأ إسمه يُعرف في الصحافة وبعض المحطات التليفزيونية وشارك أيضاً في أعمال سينمائية
كريم عميرة ممثل مصري ولد في مركز بلقاس التابع لمحافظة الدقهلية عام 2004 يبلغ من العمر 20 عامًا بدأ حياته بالتمثيل المسرحي وبأدوار صغيرة حتي وصل للسّينما والبرامج التلفزيونية الشهيرة وايضًا الجرائد الصحفية
كان لنا حوار خاص معه ومع انها ليست الاولي لكن واجبنا تسليط الضوء علي المواهب الشابة والتي تسعي بكل قوة للوصول لاحلامهم واهدافهم
في بداية حوارنا نرحب بك ونرجو ان تتحدث عن بنفسك اكثر حتي يتعرف عليك القارئ
أنا كريم عميرة مواليد بلقاس محافظة الدقهلية عندي 20 سنه بحب التمثيل جدًا ودا حلمي ونفسي أكون رقم واحد في التمثيل ودايمًا عندي إحساس إني مش حابب أكون مجرد ممثل عادي فَـ طول الوقت عندي طموح ونفسي أحقق نجاح كل ثانية سواء على مستوي شغلي أو على مستوي دراستي أو في الحياة نفسي أفتح أكتر من مشروع فـ طول الوقت عندي طموح إني نفسي أنجح نجاح مش عادي في وقت قصير وسن صغير ودايمًا بصلى وأقول يارب وأنا واثق في ربنا وموهبتي وإني هحقق كل ده قريب جدًا ونفسي برضو أكون مصدر طاقة إيجابية لكل الناس والشباب فَـ أنا عندي أحلام كتير جدًا هوصل لكُل أحلامي في سن صغير “.
هل مجال دراستك له علاقة بالفن ؟
لا ملوش علاقة انا درست ورشة فنية شاملة واتعلمت منها احترافية التمثيل وكل حاجه عن التمثيل أما عن دراستي ف انا طالب في كلية تمريض
أهم الأشخاص اللي كان لهم دور في حياتك ؟
بصراحة اهلي وبس اللي كان لهم دور أما الناس كانو مفكرين الموضوع مجرد هواية فقط لكن الآن أصبحت حلم لناس كتير ونفسهم يعملو زيي والحمدلله على نعمة ربنا عليا ولسة هعمل كتير جدا باذن الله
اكثر الفنانين تاثرت بهم سواء من الجيل الحالي أو الراحلين ؟
الفنان الراحل احمد زكي والزعيم عادل امام أما ف الوقت الحالي بحب محمد رمضان وبحب شغله علي نفسه جدا وبحب جدا الفنان الكبير” احمد العوضي ” تمثيله فوق الروعه وبيركب الشخصية بطريقة جبارة أما بالنسبة للفنانات بحب جدا جدا الفنانة ياسمين عبدالعزيز شخصيه جميله جدا وتمثيلها فوق الروعه .
بس لو علي قدوتي مع احترامي لكل الفنانين طبعا بس أنا قدوتي نفسي بعد عشر سنين قدام ودايما نفسي اعمل مدرسه تمثيل بنفسي ويكون ليا اسلوبي الخاص ف التمثيل مكونش زي حد نفسي ابقا قدوه للناس وحلم ليهم ميبقاش قدوتي حد واقلده
اكتر حلم نفسك تحققه ؟
نفسي اعمل فيلم سينمائي بطولتي ويتعلق بوستر الفلم ف جميع السينمات وفي كل الدول العربيه ونفسي وحلم من احلامي اني ادخل هوليوود وزي مقدرت أحقق اللي حققته هحقق دول كمان بس مع الوقت وربنا يديني علي قد مجهودي وتعبي
فنان تتمني ان تقدم معه عمل فني ؟
مفيش فنان معين بس لو هيبقي في فرصه وانا اللي هختار هختار الفنان محمد رمضان أو الفنان احمد العوضي لاني بحبهم جدا وبحب شهرتهم واجتهادهم علي نفسهم
أي هي أكثر الألوان اللي بتميل ليها في الأعمال الفنية الدراما أو الرومانسي أو غيرها من الألوان ؟
بالنسبة لي بقدم اي حاجة سواء دراما كوميدي رومانسي صعيدي اي نوع م التمثيل عمتن واي مشهد بشتغل عليه بعمله بكل احتراف لان بختصار مفيش ممثل ناجح بيميل لحاجه معينه اللي بيترشح ليه بيعملو بكل طاقه وإحساس ع المشهد
ما الرسالة التي تحب ان توجهها ولمن توجهها ؟
اكيد طبعا كل واحد مننا عنده حلم وحاجات كتير عاوزه يحققها بس مش عارف يعمل اي ومستني الفرصه تجيله نصيحتي لكل شاب حابب حاجه قوم وكافح واسعي ودور ع الفرصه فين واستغلها متنمش وتقول بكرا تحلي لا لازم تسعي وتعافر عشان ربنا يكرمك عشان بختصار ربنا مش هيسيب واحد مكافح وبيسعي عشان يوصل ويجي ليك وينولك املك اكيد لا ربنا قال اسعي يعبدي ونا اسعي معاك قوم واسعي وصلي وقول يارب وتأكد مليون ف الميه ان عمر ربنا مهيضيع تعبك وسعيك عشان أنا جربت والحمدلله وصلت ولسه بوصل وهوصل للعلي المراتب طول منا بسعي وبقول يارب وبالتوفيق للجميع
