آنوبيس.. تقرير الطبي الشرعي وصل يا تري قال ايه؟

بقلم.. عبد العزيز عبد الرحمن

الحلقة الثالثة

منظر…. القهوة… اول البلد
جلال بيشرب شاي ومنتظر احمد

احمد :سلام عليكم ورحمة الله وبركاته
جلال : وعليكم السلام… الشاي.. يابني
احمد : لا يلا بينا نتمشي ونكمل الكلام
جلال : تمام ياصاحبي… يلا بينا

جلال : فهمت… ياعم احمد هو دا الموضوع باختصار…
احمد : يعني .. الشيخ دا احنا بنشتغل تبعه… مساعدين ليه.. صح
جلال : شيخ ايه بس…. دا راجل اقوي بكتير… من اي شيخ
احمد : ياعم…. فاهم انه شيخ واصل… فاهم
جلال : شيخ… ههه.. شيخ… اه هو شيخ واصل قوي… احنا كل اللي علينا نعمل زي ما يطلب مننا بالظبط.. اهم حاجه…. في شغلنا
السريه…. والطاعة العمياء…. مفهوم….؟
احمد : مفهوم….. يعني العز اللي انت فيه دا كله من… الشغل في الاثار مع الشيخ دا….. الا بالحق هو اسمه ايه…
جلال : ايوه بالظبط…. وعلي فكرة انا كل اللي انا فيه كنت لسه مبقتش من المقربين منه زي دلوقتي… وشوف حياتي اتغيرت ازاي للاحسن…… لالا…. احنا قلنا ايه انك ما تسالش…. متنساش
الطاعة العمياء….. موافق….؟
احمد : موافق…. حاضر ياعم جلال بالراحه علينا… انا لسه بتعلم معلش…..
جلال : انت محظوظ يا صاحبي
مولانا….. نازل يزور البلد قريب…. علشان في امانة عند حد… وساعتها هعرفك عليه.. واقربك منه.. بس يارب انت متكسفنيش…….
احمد : دا انا مش هنسي لك الجميل دا طول حياتي…. سبحان الله…. انا كنت شايل هم جهاز بنتي…. وعلاج جميلة….. ومبروكة مراتي وطلبات البيت….. سبحان الله يرزق من يشاء بغير حساب

  النيابه........

وكيل النيابة : وصل تقرير الطب الشرعي…. لكن الطبيب الشرعي بيقول ان القتيل انتزعت احشاءه بواسطة آله << تشبه.. اليد >> واكد استدلاله…. وجود <<ظفر مكسور>>. وبنفس الاداه اقتلعت العينين….
ونتيجه تحليله… صادمة انه مش لانسان…… لذلك يبقي القاتل مجهول……حتي تاريخه….

       ( آنوبيس)

للكاتب /عبدالعزيز عبدالرحمن