يوم اجازتي قلت اتمشى
وقت النشر : 2022/10/04 01:54:05 PMيوم اجازتي قلت اتمشى
ركبت سيارتي كم لفه
بصيت بعيوني علي السكه
لمحت بنت كانت واقفه
على المحطه بتتمشى
شاورت بصباعها ونادتني
لفيت من الدوار ورجعت
قالت فين رايح يا اسطى
خدني في طريقك نتسلى
ظليت لحظه وانا افكر
محتاجه منى ايه يابانيه
قالت مش هتخسر ياعنية
الشاي والقهوه علي حسابي
وانت تتحمل بترول كم لفه
دورت الموضوع في راسي
قلت وماله ياصبية ..
تعالي اركبي جنبي.. ركبت خلفي
قالت خلينا نطلع من الدوار
أصبح راسي يلف يدور
شويه شويه فكت ربطتها
ومن علبتها اعطتني سيجاره
قلت مالها كده منفوخه
قالت اعدل راسك دول نفسين
ولعت وشديت نفسين
شفت الطريق طرفين
قالت ممكن تركب جنبي اقود
قلت ومالو تعالي خلاص
انا دخت واتنيلت ياناس
ضحكت ضحكه شقيه وقالت
طيب من ياعنيه هينيلني كمان وكمان
لما انت من نفسين تهت ورحت
كان كلامها قوي ومؤثر
لكن عقلي خلاص والاحساس اتبلد
أصبحت ميت من غير تفكير
وقفت على جنب شويه
سمعت تليفونها برن
ردت قالت باقي دقيقه والزبون يتجن ..
انا شيفاك ماشي ورانا
شوفي معاه كم ملطوش
ونزليه اول ما اشاور
صحيت من نومي لقيتني مغبر
نايم على جنب السكه وتايه
فتشت في جيبي علي الرخصه
راحت ومعاه القرشين ال حلتي
رحت البيت مش عارف اتصرف
خايف احكي عن خيبتي
ضاعت فلوسي والسيارة
من سيجارة كانت منفوخه
تخاريف
فتحي غربية
