واحد مننا 7

واحد مننا

بقلم.. عبدالعزيز عبدالرحمن

        واحد مننا...
        الحلقه السابعه...

منظر اجتماع.. والد داليا… مع اخرين.. يتحدثوا في طلبات السوق المصري من الانواع الجديده…
وينوه لهم علي ضروره تلافي عيوب التصنيع حتي تزيد المبيعات…
….
ثم… ينتهي الاجتماع… ثم تاتي السكرتيره لتخبر… والد داليا
ان البشمهندس.. ممدوح… منتظر بالخارج…
…. فيسمح له بالدخول….

البشمهندس ممدوح : مساء الخير
يافندم..
والد داليا : اتفضل يا ( ممدوح) استريح… هاه اخبار المركز ايه..

البشمهندس ممدوح : هو دا اللي جاي لحضرتك علشانه… بس في البدايه دول طلبين ( تعيين)
لشابين حديثي التخرج…
( هندسه ميكانيكا)…

والد داليا : وريني كدا… اه عظيم عظيم… عبدالحفيظ ( تقدير عام امتياز)… الله ازاي الكلام دا
دا الولد دا لو فعلا مش نصاب دا كان المفروض يتعين ( معيد)..
انت اتاكد منهم يا ( بشمهندس)
بنفسك… ومن تقديراتهم…

البشمهندس ممدوح : حصل سيادتك انا اتصل بزميل ليا
في كليه الهندسه ( عضو هيئه تدريس) وبلغته الاسماء… وهو قالي نفس النتيجه اللي قدمها ليا الشباب… ودا اللي خلاني اوافق علي تعيينهم عندنا في المركز الرئيسي…
دا طبعا بعد موافقه
حضرتك..
والد داليا : تمام… ادي امضتي
بالموافقه علي قرار تعيبنهم..
بالتوفيق…صحيح اخبار المركز ايه… يا بشمهندس..

البشمهندس ممدوح : الشغل مستقر تقريبا… لكن واجهتنا مشكله مؤخرا… في الموديل الجديد اللي اتعاقدنا عليه…
ومش عارفين نلاقي حل نهائي
للمشاكل ( عيوب التصنيع)
وانا خايف من تاثير… دا سلبيا
علي اسم الشركه.. وثقه العملاء فيها…
عموما احنا بنبذل اقصي جهد ممكن… لكن الامانه والواجب بيحتم عليا نقل الصوره كامله لسيادتك…

والد داليا : انا نوهت للشركه المنتجه في اوروبا… للمشاكل دي
وهما وعدوني… بحل جذري…
للعيوب دي…عموما تقدر تتفضل انت يا بشمهندس… بالتوفيق

البشمهندس ممدوح : متشكر لحضرتك… السلام عليكم

…. منظر من داخل مكتب البشمهندس ممدوح…. وامامه السكرتيره… وبيقول لها
اتصلي بالاثنين دول… وبلغيهم باحضار الاوراق الازمه… وانهم اتقبلوا للعمل عندنا…. وكمان متنسيش تبلغيهم مواعيد الحضور….
آتفضلي….

السكرتيره : آلو ( بشمهندس عبدالحفيظ احمد)…

عبد الحفيظ : الو… مع حضرتك يافندم…

السكرتيره : مبروك يا بشمهندس
انت اتقبلت في الوظيفه اللي قدمت عليها عندنا في المركز الرئيسي… حضرتك تحضر بكرا
ومعاك اوراق التعيبن الخاصه بيك… في تمام الساعة ٧ ص

عبد الحفيظ : حاضر… باذن الله
يا ما انت كريم يارب…. في حفظ الله.. السلام عليكم..

…. بعد انتهاء المكالمه مع السكرتيره…. بيرن الهاتف مجددا

عبدالحفيظ : آلو يا فتحي… الحمد لله وانا كمان لسه مبلغيني
مبروك… يا غالي… ايوا تمام… بكرا الساعه ٧ ص… تصبح على خير يا غالي… السلام عليكم ورحمة الله وبركاته..

…. ثم… بيخرج عبدالحفيظ.. من غرفته… وبينادم علي والدته… ويبلغها الخبر… بتفرح.. وتبارك لابنها… وتقوله..
ام عبده : مبروك يا بني… ان شاء الله تكون وش السعد عليك..
طيب يعني دا تدريب بمرتب زي ما قلتلي.. لغايه ما تتعين
( معيد) في الجامعه صح

عبد الحفيظ : هاه… اه اه… باذن الله… المهم ان من هنا ورايح
مش هتعولي يا امي هم المصاريف… الحمد لله… ربنا سترنا….ادعيلي يا امي…

ام عبده : قلبي وربي راضيين عليك يا ولدي…
ربنا يجعلك الصعب سهل… ويحبب فيك خلقه… قادر يا كريم…

عبد الحفيظ : آمين يا حبيبتي…
طيب انا هستاذنك يا امي
ادخل انام علشان لازم اصحي بدري.. مش عايز ميعاد اول يوم شغل.. يفوت عليا…

ام عبده : تصبح على خير يا حبيبي….
….. عبدالحفيظ.. يقبل راس امه
ويقولها.. وانتي من اهله يا امي..

…. ثم… في الصباح الباكر… ومن داخل مكتب البشمهندس ( ممدوح) …وامامه الشابين

البشمهندس ممدوح : اتفضلوا يا شباب ارتاحوا… ومبروك التعيين
يلا بقي عايزين نشوف همتكم..

عبدالحفيظ : ان شاء الله هنكون عند حسن ظن حضرتك يا فندم..
فتحي : ان شاء الله… هنبذل كل جهدنا… يا فندم…

البشمهندس ممدوح : بيضغط الجرس للسكرتيره… وبتدخل…
وبيقولها… خدي البشمهندسين
لمكان عملهم… اتفضلوا…. بالتوفيق… ان شاء الله

…. منظر اخر… لداليا… ييه تاني
انا زهقت منك… كويس اني جنب المركز…. وبتدخل المركز لتصليح عربيتها وهي… زعلانه
ومتنرفزه…

عبدالحفيظ… مع… فتحي… بيصلحوا عربيه لعميل آخر…

عبدالحفيظ…. فاتح كابوت السياره وماسك ( آلن كي) وبيربط في حاجه… ووجهه عليه
اثار من زيت عربيات…
وفتحي… تحت السياره.. بيغير ليها الزيت…
وبيطمن علي مساعدين العربيه..

وهنا…..
صوت زعيق…
عبد الحفيظ بيخرج راسه من الكابوت لرويه… ماذا يحدث..
فاذا به… يري ( داليا) منفعله لكنه لم يري سوي جمالها وسحر وجاذبيه ملامحها…
لدرجه انه ( مش قادر ينزل عينيه من عليها.. واتسمر مكانه تماما.. وكانه اكتفي بالنظر اليها
فقط ومش عايز يشوف غيرها)

داليا : انا زهقت شوفوا لي حل للعربيه دي… ( عمو ممدوح) انت عارف قد ايه هي غاليه عليا.. من فضلك انا صعبان عليا جدا اني اغيرها من فضلك… يا عمو

البشمهندس ممدوح : داليا.. ممكن تهدي يا بنتي… انا فعلا مش عارف الاقي حل.. لان دا
عيب تصنيع…

عبدالحفيظ : من فضلك يا بشمهندس ( ممدوح) ممكن تخليني اكشف على العربيه دي من فضلك…

فتحي : رحنا في داهيه… والله
وانطردنا… دا احنا ملحقناش حتي نصلح عربيه واحده….الله يسامحك يا عبده

داليا : بيقول ايه دا… انت مين اصلا…
عبد الحفيظ : ( عبد….

البشمهندس ممدوح : دا عبدالحفيظ.. مهندس جديد هنا
يا آنسه ( داليا)…
…. انت شايف انك ممكن تضيف جديد يا هندسه… حبيبي انا متشكر لذوقك… بس احب اعرفك اني بنفسي… كشفت علي العربيه… ومش لاقي ليها حل
لان دا عيب تصنيع يعني مش هتقدر تعمل حاجه… فهمت… اتفضل علي شغلك…

داليا : آلو… ايوا يا بابي…. عملتها تاني وانا في المركز عند
( البشمهندس ممدوح) هسيب العربيه هنا… وهاخد تاكسي واروح…
والد داليا : اديني ( ممدوح) آلو ايوا يا بشمهندس… خلي حد من عندك يوصلها من فضلك… ولما تصلح العربيه ابقي ابعتها علي الفيلا عندي مع حد من عندك…
…. اديني ( داليا) حبيبتي متتعبيش نفسك…. ولايهمك
نهايه الاسبوع دا هتوصل شحنه العربيات الجديده… اختاري اي موديل انتي عايزاه…. خلاص يا ستي.. ودلوقتي اسبقيني علي البيت… وانا هحصلك… سلام يا حبيبه بابي…سلام

…. وبتنصرف( داليا) وهي في قمه الحزن… وتكاد تبكي علي عربيتها….
….
فتحي: انت مجنون ياسي عبده. حرام عليك يا اخي دا احنا
ما صدقنا لقينا شغل… احمد ربنا ان البشمهندس( ممدوح) طلع راجل محترم.. وما طردناش

عبدالحفيظ : عندك حق… دي فرصه بجد ومش لازم اضيعها

فتحي : ربنا يهديك… انت رايح فين…

عبدالحفيظ : للبشمهندس
( ممدوح)

فتحي : ايه.. اه اكيد بقي عايز
تعتذر له…يلا بينا الله يهديك يا حبيبي…

عبدالحفيظ : يلا بينا يا غالي

واحد مننا

للكاتب.. عبدالعزيز عبدالرحمن