واحد مننا 3

بقلم.. عبدالعزيز عبدالرحمن

        واحد مننا....
     الحلقة الثالثه...

ام عبده : يا سبحان الله… انا عندي خبر حلو… ليك يابو عبده
علشان تبقي الفرحه.. فرحتين..

الاب احمد : قولي يا وليه فرحينا…
ام عبده : هناء… يابو العيال جالها
عريس….
الاب احمد : الله أكبر… والله وكبرتي يابنتي…والعرسان هتيجي علي البيت علشان تطلبك مني…

…. لكن تعابير وجه الاب…. تبدو عليه الانكسار ( فرحه غير مكتمله)….وبيدخل اوضته وبيسيب عياله فرحانين… مع بعض… وبتدخل وراه الام.. وبتقفل باب الغرفه…

ام عبده : مالك يابو عبده… كفالله الشر… دا بدل ما تبقي طاير من الفرحه…

احمد الاب : ياوليه ( بنرفزه) انتي نسيتي… اننا معملناش حساب اليوم دا… ماهو علي ايدك كل اللي بيرزقنا. ربنا بيه . كنا بنصرفه علي العيال وتعليمهم… وكسوتهم.. واكلنا.. وشربنا…
….
يعني احنا…. صفر… الايدين…فهمتي..

الام :املنا في الله… وفي.. عبده..
انه يتعين ( معيد) ويساعدنا بقي…

الاب احمد : وطي صوتك يا وليه
حرام عليكي.. ما تكسريش فرحته وتعوليه الهم..
دا لسه متخرج وفرحان….

الام : طب امال هنعمل ايه بس ياربي…
الاب احمد : هتتدبر… باذن الله
قولي انتي بس.. يارب..
وهو سبحانه هيدبر الامور..
مقولتليش… هو مين العريس

الام : دا ( محمد بن المرحوم علي)….ام الست حسنيه جت زارتنا النهارده… علي غفله..
بعد الضهر وانا بوضب البيت
الباب خبط… فتحت لقيتها
عملت لها الشاي… وقعدنا نتكلم
وشافت ( هناء) وطايره بيها من الفرحه… ابنها هينزل اجازه من الشركه اللي هو شغال فيها…
اصله سواق… في شركه… في السعوديه… وبسم الله ما شاء الله… جاهز من مجاميعه…. وامه علشان جارتنا وعارفه اخلاق بنتنا كويس…. اختارتها دون عن بنات المنطقه كلها…. لابنها
…
وبتقولي استاذنك واخد منك ميعاد اخر الشهر… علشان تسمح ليهم بزيارتنا… لان العريس هينزل اخر الشهر… وعايز يزورنا

هاه.. قولت ايه…. يا خويا .. ارد علي الست اقولها ايه…

الاب احمد : صراحه ( علي الله يرحمه) كان راجل محترم ونعم الجار… ومشفناش منهم طول جيرتنا ليهم اي حاجه وحشه
….
علي بركه الله…. بلغيها اننا في انتظار العريس… لما ينزل…
ييجي يشرف….
وربنا يعيني….

….. خارج الغرفه…. بجوار الباب
عبد الحفيظ… ماسك… ( قله مياه)… موضوعه في ( صينيه) بجوار الباب….

هناء الاخت : عبده… عبده…
انت واقف عندك كدا ليه…. انا قلتلك.. بعد ما تشرب اسقيني…

عبد الحفيظ… : هاه…. ايوا خدي

هناء : مالك يا عبده… فيك ايه

عبد الحفيظ : متشغليش بالك…
فرحان يا عروستنا
ويضم اخته بين يديه…
ان شاء الله… هتكوني اجمل عروسه… وهنعمل لك احلي ليله..

هناء : والنبي صحيح ياعبده..
ربنا يخليك ليا يا خويا وميحرمنيش منك ابدا

عبد الحفيظ : ولا منك… ولامنكم كلكم…..

…….. واحد مننا…..
للكاتب /عبدالعزيز عبدالرحمن