واحد مننا 2
بقلم.. عبدالعزيز عبدالرحمن
واحد مننا...
الحلقة الثانية..( فلاش باك)
منظر… عربيه عليها خضار… وتجمع للناس لشراء المنتجات من تلك العربه….
اوزن لي م3 ك طماطم.. يا عم احمد…
البائع.. حاضر يا مدام
… وهكذا….
احمد بائع الخضار : تساهيلك يا رب….
صبي القهوه : صباحه فل يا ابو عبده
احمد البائع: صباح الرضا… ياكريم يارب….. لما توضب عدتك
الحقني.. بخمسينه…
صبي القهوه : عيني يا ابو عبده
……منظر فتح القهوه وتنزيل ورص الكراسي والترابيزات
وصوت صب الشاي…
صبي القهوه : احلي خمسينه… لعم احمد…. نهاره… فل باذن الله
احمد البائع : يارب… يابني
عارف ياواد…. شيكا… لو عبدالحفيظ.. ابني نجح… وخلصت الكليه وجاب درجات كبيره… ليك عندي حلاوه كبيره
شيكا صبي القهوه : يا عم احمد ما تخفش…. بالصلاه على النبي
البشمهندس…. اصلي ومتين الميه
مش هو كل سنه بينجح يا حج..
احمد : ايوه بس السنه دي السنه النهائيه… ونفسي يبقي ( معيد) قد الدنيا…. يارب يارب…
……. في الجامعه….. تجمع للطلبه علي لوحه الاعلانات…
عبد الحفيظ.. مع.. بعض اصدقائه
عملتم ايه يا شباب…
اثنين منهم… نجحنا الحمد لله
وواحد… طالع بماده..
ولله الحمد..
ضحك المجموعه…
وانت يا… عبده … عملت ايه
عبد الحفيظ بفضل الله ( امتياز)
…..
باقي الاصحاب… حلو العزومه زي كل سنه عندك يا..عبود….
عبد الحفيظ… عيني حاضر بإذن الله… بس هستاذنكم… اطمن ابويا وامي لانهم قاعدين علي نار
وابقي اتصل بيكم ونظبط مع بعض….
مجموعه ( الشله) بس وحياه ابوك خلي الحجه… تكتر الرقاق باللحمه….
ولا الباميه…. ينهار ابيض… علي فرختها المحمره…
عبده انت لازم تعجل بالعزومه دي…. دا فرمان من شلتنا المحترمه….
عبد الحفيظ.. هههههههه… حاضر يا مفجيع….
سلام…
سلام….
منظر عربيه الخضار….احمد ابو عبدالحفيظ…. ينتظر بترقب…
وهنا… صوت الاذان… الله أكبر الله أكبر…
احمد البائع : الله أكبر.. اكبر
العزه والدوام ليك يا رب…
يا شيكا… خد بالك من العربيه
والبضاعه… انا داخل اصلي الضهر
وان عبده… وصل… خليه يستني..
شيكا : حاضر يا حج… احمد..
عبدالحفيظ : السلام عليكم… ياعم شيكا… امال الحج فين…
شيكا : في الجامع يا هندسه… طمني وحياه الحج.. عملت ايه..
عبدالحفيظ : ابتسامه خفيفه.. الحمد لله…. نجحت…
شيكا : الف مبروك يا هندسه.. كدا انا ليا الحلاوه….
عبدالحفيظ : انا داخل اصلي.. خد بالك من البضاعه ياعم شيكا..
صوت أقامه الصلاه….
وبعد الفراغ من الصلاه… واتمام الصلاه…
منظر ايد عبد الحفيظ.. تتحط علي كتف ابوه ( احمد)..
ثم ينحني يقبل ايد ابوه…
ويقول له… تقبل الله يا حج..
احمد : منا ومنكم ان شاء الله
طمني….عملت ايه
عبدالحفيظ : الحمد لله… نجحت يا حج…
احمد : الحمد لله يارب… طيب والمجموع… هاه… يا ودا قول انطق..
عبدالحفيظ : ابتسامه… امتياز با حج….بفضل الله
احمد : الله أكبر.. الله أكبر…
ثم يسجد لله شكرا… الف حمد وشكر ليك يارب… الف حمد وشكر….
وياخد ابنه في حضنه ويبوسه… مبروك يارافع راس ابوك… مبروك يا سياده ( المعيد) ان شاء الله…
ها. وهتستلم. امتي… الشغل وتبقي ( معيد)….
عبدالحفيظ : ياحج انا لسه متخرج… ودا… هشوفه مع اداره الكليه عندنا…. باذن الله
طيب مش واجب نروح نطمن (امي) واخواتي…
احمد : ايوه صحيح.. معلش يابني نسيت من فرحتي…
نقفل البضاعه ونشيل العربيه ونروح علي طول…
عبد الحفيظ : طيب والشغل يا حج…علشان البضاعه… ما تبوظش…
احمد : فداك الدنيا كلها… قوم بينا نروح علي البيت…
….. منظر بيت قديم متواضع…
بداخله صوت( زغاريط)…
احمد.. وعبد الحفيظ… واقفين..
والام بتحضن ابنها…. والاخوات بتزغرط…. فرحه بنجاح…
عبد الحفيظ….
…… واحد مننا …..
للكاتب /عبدالعزيز عبدالرحمن
