بقلم.. عبدالعزيز عبدالرحمن
واحد مننا...
الحلقه الاخيره...… صوت خبطه باب….مكتب البشمهندس ( ممدوح)… ادخل
عبد الحفيظ : من فضلك يا بشمهندس… انا عايز اصلح العربيه بتاعه الانسه ( داليا)
فتحي : الله يخرب بيتك.. هننطرد
البشمهندس ممدوح : الظاهر يا بشمهندس انت مسمعتش اني فحصتها بنفسي… ومعرفتش اوصل لحل… انت كدا… بتخاطر بمهنتك… يابني… لاني مبحبش اللي يعصي اوامري…
عبدالحفيظ : من فضلك يا بشمهندس اديني الفرصه دي.
البشمهندس ممدوح : موافق بس في نفس الوقت انت كدا بتعصي اوامري… ودا ليه حل واحد..
….
انك لو فشلت… هتتطرد من هنا… موافق
عبدالحفيظ : موافق… ولو نجحت ليا عند حضرتك… طلب.
انا شغال علي اختراع ونفسي حد يكتشفني… لو نجحت في اصلاح العربيه… تساعدني في ان اختراعي يظهر للنور.. موافق حضرتك..
البشمهندس ممدوح : موافق..
بس لوفشلت.. انتم الاثنين هتنطردوا…
فتحي : رحنا في داهيه… الله يخرب بيتك يا عبده…
…. ثم….. منظر… لعبد الحفيظ
وهو بجوار السياره… بعد ما سمع من البشمهندس ( ممدوح) ايه هو العيب ومدي تاثيره علي العربيه….
وابتداء يفكك في موتور العربيه بالكامل… بمساعده
فتحي….
وكان البشمهندس ( ممدوح) من وقت لتاني.. بيخرج من مكتبه وبيشوف الشباب بيعملوا ايه…
عبد الحفيظ.. بعد ما فك الماتور
واجزاءه… جاب لوحه ورسم عليها تفاصيل وابعاد الموتور بشكل هندسي….
…. ودا هيخليه يقدر يفهم العيب اساسه منين ( اصلا)…. كل دا تم في اليوم الاول…
واحد مننا
…. ثم…. منظر ( داليا) مع والدها في الفيلا…. علي السفره بيتعشوا
وبعد الاكل… دار الحديث دا..
والد. داليا : حبيبتي… كلمتي البشمهندس ( ممدوح) علشان عربيتك..
داليا : اديني هكلمه.. واعرف هي ليه لغايه دلوقتي… ما وصلتنيش
والد. داليا : سبيني انا اكلمه…
…. ثم… اخرج والد داليا الموبايل
واتصل البشمهندس ( ممدوح)..
والد. داليا : آلو ايوا يا بشمهندس
مساء الخير… عملت ايه في عربيه ( داليا) وليه ما اتبعتتش لدلوقتي…
ايه بتقول مين… بيعمل ايه… انت ازاي تسمح لشاب مستهتر زي دا انه يعمل كدا…
يا بشمهندس… انت الظاهر عليك
تقديرك للامور مبقاش في محله..
انا بكرا ( جاي بنفسي) اشوف المهزله اللي بتحصل في مركزي الرئيسي… اتفضل… بكرا تجمع لي كل الموظفين اللي عندك…
للاجتماع.. مفهوم…
اسمه ايه الولد دا…مين.. عبد… ايه… بتقول مين…
داليا : عبدالحفيظ…
والد. داليا : انتي تعرفيه يابنتي
داليا : دا شاب بس جرئ يا بابا
تصور… انه وقف قصاد البشمهندس ( ممدوح) لما لقيني بزعق… وطلب منه انه يسمح له
بتصليح العربيه…
والد. داليا : ومتهور كمان وقليل الادب…
عظيم جدا… وقعته سوده
انا الصبح هروح للمركز… علشان اشوف الكارثه اللي عملها الافندي المستهتر… دا
داليا : هو عمل ايه بالظبط… خلي حضرتك متعصب جدا…
والد. داليا : بيصلح عربيتك وفك ماتورها…
داليا : ايه… وقعته سوده.. عربيتي… انا هخرب بيته… انت لازم ترفده… يا بابا… مليش دعوه
عربيتي…
والد. داليا : اهدي يا بنتي.. اهدي
يا ستي فداكي.. هجيب لك غيرها… و( ممدوح ) حسابه معايا..
داليا : انا هروح معاك… يا بابا..
…. ثم…. في المركز… بالليل لوقت متاخر… عبدالحفيظ…بيشتغل في العربيه وقرب يخلصها… و… فتحي.. نايم…
واحد مننا
….. وفي الصباح… المركز بيفتح
عبدالحفيظ و فتحي نايمين…
والعربيه… اجزاء من الماتور لازالت خارج السياره…
البشمهندس ممدوح : صحيهم يابني الظاهر باتوا هنا…
… منظر اخر… لسياره… علي الطريق وبداخلها داليا… ووالدها
باتجاه المركز…
ثم… منظر اخر… عبدالحفيظ.. وفتحي… بيصحوا… ويغسلوا وجوههم… ثم… يشربوا قهوه…
في تلك الاثناء… تليفون.. عبده..
بيرن…
عبد الحفيظ : الو ايوا يا امي..
لا يا حبيبتي انا كويس وانتي واخواتي… طيب.. الحمد لله..
لا تمام.. الماموريه خلصت يا حبيبتي علي خير..
فتحي… بينظر باستغراب… عند سماع كلمه ( مأمورية )
ام عبده : طيب يا بني ربنا يوفقك.. خد بالك من نفسك…
لا إله إلا الله…
عبد الحفيظ : محمد رسول الله..
فتحي : اه يا كذاب…
عبد الحفيظ : هوش..
فتحي:وبعدين في الكارثه دي.. وبيشاور علي عربيه ( داليا)..
عبدالحفيظ :خليها على الله.. متقلقش..
البشمهندس ممدوح.. للسكرتيره..
ابعتيلي فتحي.و. عبدالحفيظ.. حالا..
السكرتيره : حاضر يا فندم..
…. وبيدخل عبد الحفيظ.. مع.. فتحي… للبشمهندس ( ممدوح)
البشمهندس ممدوح : هاه يا بطل عملت ايه في الكارثه اللي حطيتنا كلنا فيها…
عبد الحفيظ : كارثه ليه حضرتك هي الانسه صاحبه العربيه.. مش عايزه تصلحها..
البشمهندس ممدوح : انت عارف الانسه دي مين… وبنت مين
عبدالحفيظ : انا سمعت حضرتك امبارح بتنادم عليها وبتقولها
( داليا).. انما معنديش فكره عند هي مين او بنت مين…
فتحي : ليه هي مين.. يا بشمهندس… قول حضرتك ماهي ناقصه مصايب.. اكيد بنت راجل مهم.. علشان ما يبقاش طرد بس
وكمان حبس… الله يخرب بيتك يا عبده.. رحنا في داهيه..
البشمهندس ممدوح : داليا… هي بنت صاحب الشركه… وهي وابوها في الطريق( لهنا) دلوقتي…
…
عبد الحفيظ.. و.. فتحي.. بيبصوا لبعض
فتحي : انطردنا ولله الحمد..
عبد الحفيظ.. بيبتسم بفرحه.. وكان دا.. خبر سعيد جدا
فتحي : حقك تفرح… لاننا هنبكي كمان شويه… والله يخرب بيتك..
وديتنا في داهيه…
عبدالحفيظ : طيب ممكن تسمح لينا يا بشمهندس… باننا نكمل الشغل.. خصوصا ان الانسه ( داليا) وابوها حالا ييجوا
البشمهندس ممدوح : اتفضلو… ربنا يستر..
ويبداء.. عبد الحفيظ.. في تجميع اخر الاجزاء… بمساعده.. فتحي
وفي تلك اللحظه.. بتوصل.. داليا
وابوها.. للمركز…
والد. داليا : في مكتب البشمهندس.. ممدوح.. فين هو عبدالحفيظ دا…
البشمهندس ممدوح : اتفضل حضرتك… اهه هو دا اللي عند عربيه الانسه ( داليا).. والتاني دا
فتحي… زميله..
والد. داليا.. انت يا ولد… يا عبدالحفيظ.. ( بصوت عالي)..
بيخلي كل الموظفين في المكان وحتي العمال.. بتخرج. تشوف في ايه…
…. انت ولد مستهتر… ازاي تفك عربيه مستحيل تتصلح.. الا في بلادها…
عبدالحفيظ… بيبتسم…
والد. داليا : وكمان بتستهتر بكلامي… انت مرفود انت وصاحبك… اطلع برا… برا
عبد الحفيظ.. و.. فتحي.. عايزين يتكلموا.. لكن والد. داليا كان متعصب جدا وطردهم من المكان
ومحدش فيهم قادر يتكلم…
وبيمشوا… وهما ساكتين…
… منظر اخر من بيت عبدالحفيظ…
ام عبده : مالك يا بني في ايه انت راجع بدري انت خلصت شغل… كويس انا عندي خبر وعايزه ابلغه ليك..
فتحي : احنا كل يوم من هنا ورايح هنرجع بدري قوي
عبدالحفيظ… بيخبط فتحي في دراعه… ( بيسكته يعني)
عبدالحفيظ: خبر ايه يا ست الحبايب…
ام عبده : عريس اختك ( هناء)
عايز ييجي يشرب الشاي معاك النهارده بعد العصر.. زي ما ابوك الله يرحمه ( سمح ليهم بالزياره)
عبدالحفيظ : يشرف… باذن الله خير..
فتحي : منين.. ما انت خربتها..
( بصوت واطي لايسمعه الا عبدالحفيظ)..
…. ثم… منظر اخر.. من المركز الرئيسي… والد. داليا… البشمهندس.. ممدوح… ومعاهم
( داليا). جنب عربيتها… وبيتم قفل الكابوت… وبيطلبوا منها انها تستلم عربيتها…
وفعلا… بتاخد العربيه… وبتمشي
ووالد. داليا بيطلب من ( ممدوح)
انه يخصم لنفسه نصف شهر
لانه في نظره أهمل في عمله..
وبينصرف من المكان وبيركب هو الاخر عربيته… وبيتصل ببنته
وبيطلب منها انها تسبقه علي البيت… وهو جاي وراها…
… وفعلا بتطلع باتجاه البيت بسرعه… بس الغريب في الامر ان العربيه مؤشر السخونه… مش بيعلي زي الاول… فحبت تتاكد
داست بنزين اكتر واكتر… والعربيه ما سخنتش اطلاقا زي الاول… نهائي…
واحد مننا
... وفي تلك الاثناء.... عبدالحفيظ… ووالدته… والعريس ووالدته… بيتفقوا علي كل حاجه
وعبده وامه بيوافقوا علي العريس… بعد ما اتاكد انه انسان محترم وتوسم فيه الخير..
وتم تحديد ميعاد الفرح… ثم..
انصرف العريس وامه..
وبيدخل عبد الحفيظ.. غرفته.. وبيفكر.. ازاي هيجهز اخته ومنين
وانه مش عايز يكسر قلبها…
…. داليا… بتتصل بابوها وبتقول له علي المفاجأة… وانها مبقيتش تعمل العيب… اللي كانت بتعمله
وانها اصبحت فرحانه جدا لانها هتقدر تحتفظ اخبرا بعربيتها..
والد. داليا : انتي متاكده.. وبيطلب منها انها تنتظره في البيت ماتتحركش… وبسرعه بيتصل البشمهندس ( ممدوح) وبيطلب منه الحضور باقصي سرعه ومعاه… بيانات الشابين اللي طردهم…
البشمهندس ( ممدوح).. ظن انه هيخرب بيتهم وهيدفعهم ثمن العربيه…
ولما بيوصل… بيلاقي والد. داليا
منتظره… ومعاه داليا… اللي بتقوله علي اللي حصل..
وبيطلع بسرعه وهما معاه.. لاتاكد مما تقول
وبالكشف والفحص علي السياره
تبين فعلا انها اصبحت خاليه من العيوب تماما…
… وبسرعه بيطلب والد. داليا
من ( ممدوح) انهم يروحوا.. للعنوان بتاع عبد الحفيظ..
…. وهناك…
بيقابل عبدالحفيظ… وبيطلب منه
انه يبقي مدير المصنع بتاعه…
بشرط انه يصلح بنفسه كل العربيات من كل الموديلات..
علشان المبيعات وتبقي مكسب مزدوج ليهم ( من ناحيه اسعار العربيات ذات العيب هتتاخد بثمن رخيص… و.. بعد التصليح
هتتباع بثمن كويس… وكمان هتزيد ثقه العملاء فيهم…
عبدالحفيظ… وافق… بس بشرط
انه… يتم تعيبن فتحي صديقه كمساعد ليه..
وانه هو اللي هيختار بنفسه من يتم تعيينه من المهندسين اللي هيشتغلوا معاه…
… وكمان انه يسمح له بعرض اختراعه علي الشركه الاوروبيه اللي بيتعاملوا معاها…
والد. داليا… انبهر من عبدالحفيظ
وبيقول له انت ليه كنت مبتسم
وانا بزعق فيك..
عبد الحفيظ… والدي الله يرحمه علمني ازاي احترم الاكبر سنآ مني…
والد. داليا… بس انت مردتش عليا ولو بكلمه تقدر تقولي ليه..
عبد الحفيظ… لان دي ربايتي… الله يرحم ابويا…
داليا… محرجه من عبدالحفيظ
وبتقول له… انا اسف يا بشمهندس عبده.. علي قله ذوقي
عبدالحفيظ : لاسامح الله.. متقوليش كدا..
( بيقولها بطريقه كلها هدوء ورومانسيه)
…. ثم بينظر والد. داليا… عبدالحفيظ.. ولبنته… ونظراتهم لبعض…. في حضور.. امه واخواته.. وكمان البشمهندس
ممدوح..
وهنا عبد الحفيظ… بينظر لوالدته
وكانه بيستاذنها… وهي بتفهم
وبتبتسم…
وهذه اللحظه… بيطلب عبدالحفيظ… من والد. داليا…
طلب اخير.. بما انه اصبح
( مدير مصنعه)
تسمح لي يا عمي اني اطلب ايد
الانسه ( داليا) بنت حضرتك…
…. كل الحضور استغرب…. من طلبه ومن جراته…
والد. داليا… وانا مش هلاقي لبنتي زيك راجل يصونها ويحميها.. يا بشمهندس…
والرد… دا.. صدم الجميع.. محدش كان مصدق انه ممكن يوافق يناسب واحد فقير…
…… ( فلاش باك)…..
عبد الحفيظ : فهمت يا أستاذ.. حسن… انا ليه وافقت بسرعه
علي ( م. حازم ) ابنك… لانه واحد من المهندسين الشباب اللي اخترتهم بنفسي وشفت فيه
نفسي وانا قده في السن… وانه مش منهزم للظروف… لا بالعكس طموحه… وعبقريته… خلته
يقف من اسبوع في مشهد زي اللي حصل معايا…
بس ابنك اعترض علي كلام مديره.. بادب… بنفس طريقتي
وفعلا اثبت انه صح…
……. واحد مننا….
للكاتب /عبدالعزيز عبدالرحمن
