من الجاني

روايات بوليسيه

                  ( من الجاني)

عبدالعزيز عبدالرحمن.. يكتب

         الحلقه الاولى

… منظر سيارات الشرطه.. والاسعاف… داخل سور حديقه الفيلا…..
وداخل الفيلا… شاب مقتول… داخل البانيو….. ومن حوله…. محققي المباحث… ونخبه من الطب الشرعي…. ومصور جنائي….. وبعض من رجال الاسعاف…. قاموا بانتشال
ماتبقي من الجثه….
من داخل البانيو… ووضعها داخل كيس الموتي….. وتم نقلها
للطب الشرعي… للتشريح والوقوف علي سبب الوفاه… وتحديد الجاني………

رئيس المباحث…. يامر ببدء التحقيق مع كل من له صله من قريب او بعيد بالمجني عليه…..

وبداخل قسم الشرطه التابع له مسرح الجريمه….. بدء التحقيق
ومن داخل مكتب المباحث..

.. رئيس المباحث….
دخلي يابني…. حارث الفيلا…
حارث الفيلا…. عم سطوحي…

منير بيه : افتح يا بني المحضر..
اسمك.. وسنك… وعنوانك….
عم. سطوحي : انا اسمي سطوحي فتيحه..
السن ٦٠ سنه
العنوان… داخل الفيلا… اوضه في الجنينه الباشا عامل لينا غرف في الجنينه… ليا انا اوضه انا ومراتي…. وعم عبده الطباخ… وكمان الاسطي محمود السواق

منير بيه : اخر مره شفت القتيل امتى ؟..
عم سطوحي : صباح يوم الحادثه
منير بيه : وبالليل كنت فين؟..
عم سطوحي : كنت في البلد مع زوجتي بنزور.. قريبنا هناك…
منير بيه : ايه رايك في ( عمر)؟..
عم سطوحي : مش فاهم سعادتك تقصد ايه….!
منير بيه : اقصد سلوكه… شاب عايش لوحده….. وفي سنه دا اكيد كانت له علاقات… عايزك تحكيلي بقي تعرف ايه عن صدقاته….. علاقاته….. اه اكيد فهمني…..
عم سطوحي : هو كان في الحقيقه الله يرحمه…. ليه اثنين من اصدقائه دايما بيترددوا عليه من الشباب…. وباقي علاقاته كانت مع البنات… لدرجه انه كان كل يوم مع واحده…..
منير بيه : اسماء اصحابه الاثنين.. ايه…
عم سطوحي : شريف…. واحمد
وكانوا استغفر الله العظيم… من عينته… اصل الشباب بتشجع بعضها علي الكلام الفاضي دا خصوصا لو ليك زمايل زي دول… شياطين…
منير بيه : انت شغال من امتي في الفيلا دي….
عم سطوحي : عشر سنين… يا سعاده الباشا…. من قبل جوازي
منير باشا : ليه انت اتجوزت امتي..!
عم سطوحي : من سنتين بس…
منير باشا : ليه… اقصد اتاخرت ليه في جوازك كدا…..
عم سطوحي : اصل.. اصل… الحقيقه سعادتك… لما ربنا اذن…

نظره عدم تصديق للكلام.. من جانب...... منير  بيه..... 

منير بيه : امضي علي اقوالك… ومتسافرش لاي مكان الا لما تبلغنا…….
وبعد الامضاء علي الاقوال…..
منير بيه : لاحد معاونيه…. يتحط تحت الحراسه هو ومراته….. وتيجبوا كل المعلومات عنه وتتاكدوا انه فعلا نزل البلد يوم قتل الضحيه في الصبح زي ما قال ولا….. مخبي حاجه
معاون المباحث… ( احمد بيه) تمام سعادتك…. مش هيغيب عن عنينا….. وهجيب لحضرتك كل المعلومات اللي طلبتها…..
منير بيه : استعجلي يابني… التقرير المبدئي… للطب الشرعي..
ودخل الشاهد اللي بعده…
منير بيه : الاسم.. والسن… والعنوان
عبده الطباخ : عبده فرغلي…
٤٠ سنه…. طباخ الفيلا…… والعنوان… اوضه داخل جنيه الفيلا….
منير بيه : تعرف ايه عن الحادثه…. وكنت فين وقت وقوعها؟…
عبده الطباخ : انا كنت بشتري حاجات من السوبر ماركت ومن السوق…. لزوم الاكل….. لاني بنزل كل اسبوع اشتري طلبات الفيلا وسعاده البيه الله يرحمه… من السوق والجزار.. وخلافه من طلبات الاكل… سيادتك…
منير بيه : تقريبا خرجت من الفيلا الساعه كام بالتقريب…. كدا
عبده الطباخ : كان حوالي المغرب
منير بيه : مش دا وقت متاخر علشان تشتري الطلبات….
عبده الطباخ : ايوه سعادتك…. بس اليوم دا… اتاخرت بسبب ( الاستاذ.. عمر )
منير بيه : ازاي احكيلي…
عبده الطباخ : انا متعود انزل بدري اخد…. من ا. عمر . الله يرحمه الفلوس وانزل اشتري الطلبات…. بس هو كان مزاجه متعكر….. بسبب
منير بيه : بسبب ايه….
عبده الطباخ : بسبب الخناقه….
منير بيه : خناقه…. مع مين وايه سببها احكيلي……
….. منير بيه بيطلع سيجاره من علبته وبيولعها….. وبيبص في عنين عبده الطباخ… كمل سامعك….
عبده الطباخ : دي سيادتك خناقه مع واحد كان… ا. عمر… راح بسببه القسم من اسبوع… لانه خبط عربيه الراجل
منير بيه : عمر…. هو اللي خبط العربيه…. تمام وبعدها…..
عبده الطباخ : الاستاذ. عمر…. كان.. كان
منير بيه : كان ايه.. ياعم عبده
عبده الطباخ : كان… لسانه طويل شويه…. وبخيل قوي…. ومنخيره دايما لفوق…. اكمن هو غني وكان شايف ان اي حاجه يقدر يشتريها بفلوسه……
منير بيه : وبعدين..
عبده الطباخ :. اليوم دا سمعنا صوت زعيق…. وكسير زجاج.. خرجنا نشوف في ايه…
منير بيه : كنت انت ومين حاضر الخناقه دي…..
عبده الطباخ : انا.. والاسطي محمود السواق.. طلعنا نجري من المطبخ… لاننا كنا قاعدين بنفطر
لقينا الراجل دا…. ماسك ا. عمر من لياقه القميص وبيضربه بالقلم
وبيقوله هموتك مش هسيبك….
ولقينا اصحاب ا. عمر…. مسكوا الراجل دا لاستاذ… عمر…. علشان يضربه…. بس الراجل طلع مطوه من جيبه….. وهوشهم ورمي عليهم فاظه الورد كسرها…. وهو ماشي عند الباب…. قاله هقتلك
مش هسيبك…..
منير بيه : بيقوم من مكتبه وبيقعد قدام عبده الطباخ…. وبيطلع له سيجاره من علبته…. وعبده الطباخ بياخد السيجاره.. اللي بيولعها له منير بيه…. في خوف من منير بيه…..
منير بيه : وعم سطوحي… كان فين وقت الحادث…
مع خروج دخان السيجاره باتجاه عبده الطباخ….
عبده الطباخ :كان في البلد . هو ومراته… آلهي ما كانوا رجعوا…

   هنا... نظره علي وجه رئيس المباحث.... معناه.. ليه ومصاحب ليها ابتسامه علي وجهه.. 

منير بيه : ليه قلت كدا… يا عم عبده… مش حرام عليك… الراجل الغلبان دا والست مراته… دي ناس شقيانه…. وغلابه
عبده الطباخ : غلابه…. تقصد قواد…. و… زا……. استغفرالله العظيم….
منير بيه : نظره فرح علي وجهه لتاكيد شكه ناحيه سطوحي….
طيب ياعم عبده…. هل لديك اقوال اخري…. امضي علي اقوالك… ومتسافرش لاي مكان قبل ما تبلغنا….
عبده الطباخ : تمام سيادتك…

منير بيه : دخل لي الشاهد اللي بعده….. واعملي يابني فنجان قهوه مظبوطه….
منير بيه : الاسم. السن. العنوان
الاسطي محمود : محمود غريب
٣٧ سنه…. سواق.. ودي رخصه السواقه سيادتك….
العنوان… اوضه في جنينه الفيلا
منير بيه…. بيشرب القهوه….
وبيبدء في استجوابه…
منير بيه : اخر مره شفت القتيل امتي….. وكنت فين ساعه وقوع الجريمه…..
الاسطي محمود : ساعه الخناقه الصبح….
وكنت بالليل في التوكيل بصلح موتور العربيه… ودا حصل بعد ما
مونتها وشحمتها… وانا راجع الموتور طلع دخان من ناحيه كبوت العربيه وكنت في طريقي للفيلا…. اتصلت علي الاستاذ. عمر وبلغته… وهو اتصل بالتوكيل وخلاني اروح اقعد جنب العربيه لغايه لما تتصلح…. وبعدها رجعت الفيلا لقيت الكارثه دي حصلت…
منير بيه : الاتصال دا كان في حدود الساعه كام…
الاسطي محمود : ثواني سعادتك
الموبايل اهه… ومتسجل عليه ميعاد المكالمه…. دا كمان انا موبايلي من النوع اللي بيسجل المكالمات….. اهه
منير بيه : بياخد الموبايل…. وهنا بيسال.. ايه اللي خرجك برا الفيلا
كنت فين وبتعمل ايه!….
الاسطي محمود : ابدا سيادتك
كنت بروح…. الاستاذه زميلته….
وانا راجع هشتري له حاجات لوازم سهره كل يوم…..
منير بيه : الاستاذه…. مين… اسمها ايه ووصلتها فين….. ولوازم السهره….. لا احكيلي بالراحه كدا وعلي مهلك…..

منير بيه… بيضرب جرس الحارس وبيطلب منه انه يعمل له فنجان قهوة تاني… وبيقول لمحمود تشرب حاجه…..
ومحمود… بيرد متشكر ياباشا

منير بيه : علي مهلك…. احكيلي ايه حكايه السهرات… لانه واضح من كلامك انها كل يوم صح..
الاسطي محمود : مظبوط كدا سعادتك
منير بيه : كمل… سامعك
الاسطي محمود : استغفرالله العظيم… دي سهرات من اياها…. الليل واخره…. وكل يوم بتيجي له واحده بالليل… وساعات انا اللي بروح اجيبها له….
منير بيه… نظره دهشه…. لجراءته
الاسطي محمود : لا فهمتني غلط… سيادتك اقصد هو اللي بيبعتني لنادي او كافيه او يعني العنوان… اللي يقولي عليه وبيديني رقم الواحده من دول… تركب معايا… اجيبها له البيت هو واصحابه وساعات مش بتكون واحده بس… بتكون اكتر من واحده…. اثنين او ثلاثه… يعني علي حسب….
منير بيه : وبعدين…
الاسطي محمود : واحنا راجعين
بدخل اشتري له لمؤاخذه لزوم السهره…. بيره وخمره… ومزه… وخلافه… وحاجات تانيه من الصيدليه…. فاهمني سيادتك..
منير بيه : فاهمك… كمل
الاسطي محمود : في اليوم دا…. كنت مع عم عبده الطباخ.. بنفطر .. وسمعنا كسير زجاج…. وزعيق خرجت انا وعم عبده لقينا واحد ماسك… ا. عمر وبيضربه بالقلم.علي وجهه….. واصحاب عمر….. مسكوا الراجل لعمر علشان عمر يضربه…. بس الراجل كان… ضخم واتخلص منهم ومحدش منهم قدر عليه… دا كمان طلع مطوه من جيبه…. وكسر فاظه الورد… عند رجليهم
وقال لعمر…. هقتلك مش هسيبك
اقسم بالله… ياباشا…. تقدر تسال عم عبده الطباخ….
منير بيه : بيطلب من الاسطي محمود انه يفتح له الموبايل…. للدخول علي سجل المكالمات…
لمعرفه وقت اتصاله بالقتيل يوم وقوع الجريمه….. وبعد التاكد ساله….
منير بيه : انت دا تليفونك… خطين اظن…
الاسطي محمود : لا سيادتك.. خط واحد
منير بيه : معاك غيره…. تليفون تاني يعني..؟
الاسطي محمود : لا هو دا تليفوني الوحيد……
منير بيه : انت متجوز…؟
الاسطي محمود : لا
منير بيه : اقدر اعرف ايه السبب
اللي مانعك من الجواز لغايه دلوقتي…
الاسطي محمود : وهحتاجه ليه… وانا….
نظره علي وجه رئيس المباحث…. كلها صرامه وتخفي بداخلها غضب….
منير بيه : انت قلتلي انك كنت بتتصل بالبنات اللي بتاخدهم للفيلا… من موبايلك دا…. فين ارقامهم….
الاسطي محمود : وانا.. انا سيادتك ليه هحتفظ بارقامهم… انا راجل بخاف ربنا….
ضحكه استهزاء بكلام محمود…. من منير بيه…..
منير بيه : بتخاف ربنا….. مخفتش من ربنا ليه وانت بتجيب له البنات هو واصحابه
الاسطي محمود : ياباشا…. انا راجل سواق… مليش دعوه…. صاحب العربيه يقولي وصل فلان… اقوله حاضر… هات فلان.. حاضر…. مليش دعوه سيادتك
منير بيه : لا تمام كلام مظبوط…
انت قلت انك كنت مع عم عبده الطباخ بتفطروا….. طيب وسطوحي…. مكنش معاكم
الاسطي محمود : لا عم سطوحي
والست…. مراته كانوا في البلد…
منير بيه : سطوحي ومراته.. او عم عبده الطباخ…. رايك فيهم ايه…
عم سطوحي دا راجل تمام.. راجل كبير وبيعاملنا زي اخواته وانا مشفتش منه حاجه وحشه.. دا راجل احسن مني…
وعم عبده الطباخ… دا راجل بتاع ربنا…
منير بيه : ليه قلت علي عبده الطباخ… انه بتاع ربنا….
الاسطي محمود : بيصلي الوقت بوقته…. وكمان بيصوم…. وكتير كان عايز يمشي من الفيلا…. وانا اللي كنت بصبره…. لانه راجل محترم وصالح..
منير بيه : ليه كان عايز يمشي… كان بيتعارك مع حد فيكم.. او مع صاحب الفيلا…
الاسطي محمود : ابدا والله ياباشا…. بس كان عايز يمشي بسبب اللي بيحصل…. السهرات يعني…. مع انه كان بيخلص عميل الاكل…. وكان بيطلع يقعد في اوضته يقراء قراءن….. ومش هو اللي كان بيتخانق دا عم سطوحي….
منير بيه : ليه.؟
الاسطي محمود : معرفش سيادتك.. بس والله اعلم ممكن يكون بسبب… القبض…. اقصد يعني الفلوس…
منير بيه : انا سالتك عن الثلاثه الموجودين غيرك في الفيلا….
ليه جاوبت عن اثنين بس…
الاسطي محمود : تقصد مين سعادتك…
منير بيه : زوجه سطوحي…. ( سيده)….. الا بالحق انت ساكن في اي اوضه بالظبط… يعني ساكن جنب مين….
الاسطي محمود : ( سيده )….. وعلامات خوف واضطراب وقلق
دي ست محترمه….
منير بيه : نظره تكذيب يصاحبها نظره شك قويه جدا في كلامه….
وبيقول لمحمود…. مقلتليش ساكن فين بالظبط….
الاسطي محمود : اخر اوضه… جنب لمؤاخذه الحمام
منير بيه : امضي علي اقوالك…. ومتسافرش لاي مكان بدون علمنا…..
وهنا بيرن رئيس المباحث
الجرس للحارس وبيامر…. بحبس المتهم… علي ذمه التحقيق
وكمان بيامر….. بالتحفظ علي الموبايل…. وعرضه وتفريغ محتوياته……..
وفي نفس الوقت بيوصل التقرير
المبدئي للخبير……
والذي جاء فيه :
الجثه لشاب. ذكر …. يبلغ من العمر ٢٨ سنه…
يوجد بالجثه…. قطع بسلاح ابيض حول عنقه اتجاه القطع لاعلي ناحيه الذقن….
كما وجد…. ( ظفر مكسور) لايخص القتيل…. موجود علي لياقه القميص….
وخصله شعر…. لانثي بملابس القتيل…..
وكان القتيل…..لازال حيا…. لكنه وبتشريح رائتيه وجدنا بقايا غاز ادي الي اختناقه مما ادي الي الوفاه في الحال….. وهذا الغاز
نتيجه اختلاط مواد كميائيه ببعضها ومن ثم وضعها علي الجثه داخل البانيو….. وذالك للعمل علي ذوبان الجثه بكاملها للحيلوله دون الوصول للجناه…
وقد ادت تلك المواد عملها… فقامت بذوبان كلتا اقدام القتيل حتي ركبتيه… وكذلك ذراعه الايسر….. وجميع ظهره وظهور العظام من الظهر…..
الوفاه حدثت بين الساعه ١٠ م الي الساعه ١١م
وقد ظلت الجثه في البانيو… طوال مده خمس ساعات كامله

تم اكتشاف الجريمه… حوالي الساعه ٦ ص

……..اتمني لكم قراءه مشوقه….

الكاتب /عبدالعزيز عبدالرحمن