خلصت خلاص الحكاية
رويداعبد الحي.. تكتب
حكاية من أغرب الحكايات
بدايتها متشبهش البدايات
بداية مكتوب فيها النهاية
رغم إني كنت صادقة
في الكلام. في المحبة
صادقة حتي في الخصام
خلصت الحكاية وانتهي
بينا الكلام..
كنت شايلة لك جوايا
حب وعطف وحنان
كنت بصدق كل كلامك
كل حروفك كل ظروفك
كل المواضيع وكل اللي
بتتخترعه وتمثله
من افلام
كنت عمية. مش بشوف
كنت بتحامي فيك
من الخوف اللي مالي قلبي
من غدر الزمان
كنت شايفاك بطل هُمام
كنت ليا بر الأمان
كنت شاطيء كتبت علي رملة
قصة حبي. والهوي والجوي
والحنين والذكريات
كنت ليا حياة جميلة
معشتهاش في عمر فات
كنت أناني. كنت في كل
القصة أنت الجاني
كنت مقص وقص
خيوط ألحاني
كنت السكين اللي
قطع بالغدر شرياني
علي أد ما كنت عليك أحن
كنت انت بتقطع فيا
كل كياني. بتهد جوايا
كل أركاني..
كنت بكل أمانة بحبك
وأنت بكل أمانه بتخون
وبتمثل أنك بعشقي مجنون
أنت بكل حروف الكون
كذاب غدار غشاش
أكتر حد أناني.
خلاص دبحت روحي
حاول بقي إن قدرت
تنساني
خلصت خلاص الحكاية
