سناء الشرقاوي.. تكتب
يعنى مات كل الحلو اللي فى الدنيا
سكتى تاهت
يعنى ضليت الطريق وراح نور عينيا
دنيتي فضت
أمي ماتت
يعنى مهما يكون فى ناس مش بشوف حد حواليا
سبتيني يا اما ومعلمتنيش أعيش ازاي من غيرك
الحياة بعدك صعبة مشتاق لطبطبة ايدك
وحشتنى كلمة ياقلب أمك وحشني دعمك ووصفك ليا بسيدك
انتى اللي ستي وتاج الراس ونن العين
ونفسي ابوس رجليكى قبل ايدك
يا نعمة من ربي اتمنيتها تدوم
لكن دوام الحال من المحال
يا أعظم حب فى حياتى ضمينى يا أمي
حتى لو فى الخيال
وحشنى حضنك وحشنى نفسك ودعاكي
اللي بيُستجاب فى الحال
روح يابنى يهديلك حالك وبيتك والعيال
وحشتينى يا قطعة من الجنة ياجنة ع الارض وسبب لدخول جنة الرحمن
رحمة الله تحيطك وتغشاك يا من كنت دوماً رمزاً للحنان
ماتت أمي
