آنوبيس

آنوبيس

عبدالعزيز عبد الرحمن.. يكتب

الحلقة الاولي

انا.. أحمد : مزارع بسيط متزوج وعندي بنتين هما سبب سعادتي
الكبيرة . ( هناء)……
والصغيرة ( جميله) ربنا يشفيها… عندها اعاقة ذهنية بسبب زواج الاقارب….. عاداتنا وتقاليدنا في الريف ان البنت اولي بيها ابن عمها…. ولازم نستر لحمنا….. ولان زوجتي طيبة فانا كنت فرحان اني لقيت حد يكمل معايا مشواري ونبقي ستر وغطا علي بعض….. انا عايش مع اسرتي في قرية فقيرة من قري الصعيد كل اب.. كنت منتظر زواج بنتي (هناء) بس علشان احنا فقراء جدا محدش كان عايز يتقدم ليها….. لاني مكنتش هعرف اجهز بنتي….. دا غير اعاقة الصغيرة.. وعلاجها…. والاكل والشرب…….
قررت اني لازم اخد حقي من الدنيا….. بالبلدي كدا حالي مش عجبني…..

   ومن هنا   .... ابتدت حكايتي........

آنوبيس

منظر خارجي للبيت…
بيت بسيط … وسط زرع….. مكون من ارضي واول علوي..
صوت الباب……
احمد : حاضر…. جاي

صوت فتح الباب….
احمد : جلال…. صاحبي…. اهلا اهلا اتفضل ياغالي….. انت جيت البلد امتي

جلال : ازيك ياصاحبي… اخبارك واخبار عيالك… طمني عليك
احمد : تشرب ايه يا خويا.. وحشني والله حمد لله علي سلامتك…

جلال: انا وصلت امبارح بالليل… جيت ازور ابويا…. واطمن علي صاحبي الوحيد….
احمد : الشاى… يا هناء لعمك جلال….
جلال : بقيت في سنة كام دلوقتي….. احكيلي….

احمد : دي بالصلاة على النبي
بقيت عروسة دلوقتي…. ربنا يكرمها بابن الحلال….
بس ما تخدنيش في دوكا … اش اش… انت عيني عليك باردة … لابس كويس…. وباين عليك النعمة….. طيب ايه ما تقولي اختفيت السنين اللي فاتت دي رحت فين واشتغلت في ايه
يمكن الاقي معاك مخرج للظروف اللي انا فيها….

صوت خبطة باب المضيفة... 

احمد : تعالي ياهناء سلمي علي عمك جلال….
جلال : بسم الله ما شاء الله…. كبرتي يا بنت الغالي وبقيتي عروسة
هناء :الله يخليك ياعمي….. بعد اذنكم
جلال : ربنا يحفظها…
احمد : دا انا كمان عندي ( جميلة ) ربنا رزقني بيها… بعد ما انت اختفيت
جلال : الله اكبر… طيب هي فين عايز اشوفها
احمد : يا هناء…. هاتي جميله.. عمها عايز يسلم عليها….
هناء : حاضر
الام.. مبروكة : بلاش جميلة….. هو عايزها تخرب الدنيا.. استر يارب…
هناء : تعالي يا جميلة… ابوكي عايزك….
جميلة : طيب… طيب…. يوه
هناء : ادخلي سلمي
احمد : تعالي يا بنتي
جلال : لاحول ولا قوة الا بالله

شكل جميلة ( يدل علي مرض عقلي…. وحركاتها…. وطريقه الكلام)
احمد : طيب… خدي اختك دخليها…

جلال : الله يكون في عونك
احمد : يارب….. مش، هتقولي انت اشتغلت في ايه…. والنعمة دي جتلك منين……

جلال: هقولك… بس دا كلام يفضل بينا…. وسواء رضيت تشتغل معانا او مرضتش…. يفضل سر… مفهوم
احمد : مفهوم… مفهوم…..
جلال : بص يا سيدي

تابعونا في الحلقات القادمة من آنوبيس