إلهام شاهين: أسرتي رفضت التبرع بأعضائي السليمة بعد وفاتي
وقت النشر : 2022/10/10 04:16:45 PM
كتبت .. رؤى حازم
قالت النجمة إلهام شاهين خلال الندوة “أسرتي رفضت تبرعي بأعضائي السليمة بعد وفاتي وقالولي لحظة موتك هتكون صعبة جدًا هنستني يفصصوكي والبواقي ناخدها ندفنها”.
وأكملت إلهام حديثها “عشان كدا جمعت أخواتي وبلغتهم بوصيتي واجبة التنفيذ أنا عملت كدا لأن بابا كان محتاج تغيير كبد ومات قبل ما يلحق وماما خافت اني اتبرعله بجزء مني واتوفي وعمره 64 سنة”.
وأضافت إلهام أيضًا” سألت الدكتور سعد الدين الهلالي والشيخ خالد الجندي وقالولي ده صدقة على روحك وعشان كده وثقت تبرعي صوت وصورة وفي الشهر العقاري”.
وكانت النجمة إلهام شاهين قد حضرت محاضرة الفنان محمود حميدة في مهرجان الأسكندرية السينمائي لدول البحر المتوسط في الدورة 38 وقالت” أنا جاية عشان أقول له اني بحبه أوي إنسانيًا وبحترمه فنيًا ومحمود صديق العمر كله، فمن ضمن البدايات وعملنا الكثير من الأعمال سواء مسلسلات أو أفلام، واتذكر في فيلم دانتيلا لما كنا بنتخانق أنا ويسرا عليه وجاتلنا كريزة ضحك وإيناس الدغيدي قالت هتبوظولي الفيلم عشان أصحاب وفركشنا التصوير يومها ومكملناش”.
